Oregon Secretary of State

Galalka Xogta Codbixiyaha oo Ku qoran af Soomaali

Xoghayaha Gobalka Oregon iyo saraakiisha doorashooyinka ee degmada ayaa bixiya galalka xogta ee codbixiyaasha si loogu hago codbixiyaasha doorashooyinka gaarka ah ee gobalka, degmada, magaallada, iyo degmooyinka. Xoghayuhu wuxuu ku dedaalayaa u adeegista codbixiyaasha aan Ingiriisiga aad u aqoon ayadoo la turjumaayo xogta guud ee codbixiyaha iyo ajandaha codbixinta, sida uu sheegaao sharcigu (ORS 251.170). Bayaannada kasoo baxa musharixiinta, haddii ay jiraan, ayaa keliya Ingiriis looga heli karaa webseedyada degmada wakhtigaan.


Gudiga Talo Bixinta Turjumaadda

Gudiga Talo Bixinta Turjumaada ayaa kala taliya Xoghayaha Gobalka Oregon turjumaadaha galka xogta codbixyaha. Gudiga ayaa ka qaybgala hanaanka xaqiijinta bulshada, oo sidoo kale loo yaqaano tijaabada bulshada, si loo hubiyo in xogta la turjumay ay ku haboon tahay dhaqanka. Gudiga ayaa ka kooban xubno qayb ka ah bulshooyinka luuqada ee Oregon. Si aad u hesho macluumaad dheeraad ah, booga websaytka Gudiga Talo Bixinta Turjumaada​​.